A Xunta de Goberno da Deputación de Pontevedra acordou, na súa sesión do 10 de xullo de 2025, concederlle ao CONCELLO DA LAMA unha achega de 4.680,00 euros para o “ PROGRAMA DE ACTIVIDADES DE FOMENTO DA IGUALDADE DE OPORTUNIDADES E PREVENCIÓN DA VIOLENCIA” a través da convocatoria de Subvencións dirixidas aos concellos de menos de 20.000 habitantes da provincia de Pontevedra para o fomento da igualdade de oportunidades e a prevención da violencia de xénero para o ano 2025 (BOPPO núm. 17 do 27 de xaneiro de 2025).
A través desta axuda o Concello puxo en marcha un obradoiro para nenos e nenas do municipio que se desenvolveu durante o 30 de outubro dentro das actividades programadas para celebrar o Samaín, neste caso promocionando os valores da igualdade de oportunidades e a prevención da violencia.
