O Concello da Lama informa á veciñanza de que xa está en vigor o novo horario de funcionamento do Punto Limpo municipal, situado no Polígono Industrial de Racelo, co obxectivo de mellorar o servizo e facilitar o acceso da cidadanía a unha correcta xestión dos residuos.
A partir de agora, o Punto Limpo abrirá nas seguintes xornadas e horarios:
- Luns: de 16:00 a 20:00 horas
- Mércores: de 09:00 a 13:00 horas
- Sábados: de 09:00 a 13:00 horas
Desde o Concello da Lama recórdase a importancia de facer un uso responsable do Punto Limpo, un servizo fundamental para o coidado do medio ambiente e a correcta reciclaxe de residuos especiais e voluminosos, como electrodomésticos, pilas, aceites domésticos, aerosois, restos de poda, radiografías, tóners, fluorescentes ou latas de pintura, entre outros.
O Concello da Lama anima a toda a veciñanza a empregar este servizo municipal, contribuíndo así a manter un municipio máis limpo, sostible e comprometido coa protección do entorno.
Para máis información, as persoas interesadas poden dirixirse ás oficinas municipais ou consultar os canais oficiais do Concello da Lama.
