O Concello da Lama recibiu unha subvención de 16.380,09 euros destinada á contratación de persoas mozas inscritas no Sistema Nacional de Garantía Xuvenil, no ámbito da Comunidade Autónoma de Galicia, a través da colaboración con entidades locais, cofinanciadas pola Unión Europea no marco do Programa FSE+Galicia 2021 – 2027.
A subvención cubre os gastos equivalente aos custos salariais das persoas traballadoras contratadas máis a cotización empresarial á Seguridade Social derivada do devandito salario.
O contrato foi asignado a reforzar labores administrativos no Concello da Lama a través da contratación dunha auxiliar auxiliar administrativo coas seguintes funcións:
-Recepción e rexistro de documentación
-Atención telefónica.
-Atención ao público.
-Arquivo de documentación en soporte dixital e convencional.
-Tramitación de correspondencia.
-Tramitación de expedientes.
-Manexo de maquinaria de oficina.